Shqipëria Natyrale

Shqipëria Natyrale
PERKRAHJA E JUAJ FINANCIARE PER LISTEN SHQIPERIA NATYRALE
Koco Danaj AL81214112090 111288802010120 Swift.UNALALTR UNIONBANK Rruga Reshit Collaku, Pallati i Shallvareve 2/18 Tirane kdanaj@hotmail.com Koço Danaj Per te gjithe miqte e mij. Duke filluar qe sot nr im i celularit eshte: O662030803. Ju uroj te gjitheve nje vit te mbare, per juve, familjet tuaja dhe mbare kombin Shqiptar.

MESAZH PER ANTARET E LISTES PER SHQIPERI NATYRALE

Mesazh per antaret e Listes per Shqiperi Natyrale ne: Shqiperi, Kosove, Maqedoni, Lugine te Presheves, Mal te Zi, Europe, SHBA, etj etj: Miqte mij, ju nuk jeni thjesht antare te nje Levizje mbarekombetare te regjistruar juridikisht. Jeni me shume se kaq, jeni misionare te nje Kauze te Madhe, kauzes se bashkimit te trojeve shqiptare. Dhe kjo do te thote se thelbi i punes suaj jane idete, argumentet pse bashkimi eshte domosdosheri historike, problem i shtruar per zgjidhje. Ju nuk duhet te nxeheni me askend qe nuk eshte dakord, nuk duhet te shani apo etiketoni asnje qe nuk pranon aktualisht bashkimin, qofte politikan i larte apo qytetar i thjeshte. Deviza jone eshte: Te gjithe jane te nevojshem, por e Domosdoshme eshte vetem Shqiperia Natyrale.Me respekt per te gjithe ju qe jeni tashme antare te Listes per shqiperi natyrale dhe dashamiresi per ata qe nuk jane akoma. Koço Danaj Kryetar i Lista per Shqiperi Natyrale

Lista per Shqiperi natyrale

Mirdita e Ardhme,

Miresevjen Shqiperi Natyrale.

Kjo eshte balli i Listes se Shqiperise natyrale. Mbeshteteni ate. Perhapeni tek miqte dhe shoket tuaj. Nuk mjafton te thuash se nuk ka shqiptar qe nuk e do ate. Te deshirosh eshte tjeter gje. Te punosh te realizosh deshiren eshte gje tjeter. Shqiperia natyrale nuk ka nevoje per sehirxhinj, ka nevoje per misionare



kdanaj@hotmail.com

Ne 30 vjetorin e ngjarjeve te mars-prillit 1981 ne Kosove

Ne 30 vjetorin e ngjarjeve te mars-prillit 1981 ne Kosove, po sjell per miqte e mij, nje kenge qe u kendua pas 1982 ne Laberi:
Armatën e Nishit ,
E kishit në shpinë
Përballë U.D.B-në
Në zëmër lirinë
...
O djemte e Kosoves
Nenat qysh ju qane
kur ju mori plumbi
kush ju ndodhej prane
...
Amanet baltë e Kosovës
Amanet po të lë djalin
Ma mori plumb' i mizorit
Nëna s'di ku e ka varrin

Pacollit si Politikan


Gjate vizites ne Tirane, Pacolli hodhi ne tregun e politikes ide dhe teza me bollek per marrdheniet ndershqiptare qe nga heqja e taksave dhe doganave deri tek Komunuelthi e ne fund bashkimi kombetar. Shpesh edhe ide qe kundershtojne njera tjetren. Por qe zbulojne synimin e dyte te Pacollit si Politikan: Pacolli duket se synon postin e presidentit te Konfederates Shqiperi-Kosove. Se shpejti do ta analizojme me qarte

Ka vetëm një zgjidhje, Shqipëri Natyrale

Koço Danaj

Përkundër deklarimeve se gjendja në Kosovë u stabilizua, realiteti tregon të kundërtën. Në Kosovë po thellohet destabilizimi. Një qeveri me një pakicë shqiptare që mbahet në këmbë nga deputetë serbë dhe që mund të bjerë në çastin kur këta deputetë të marrin porosi nga Beogradi për tu tërhequr nga qeveria. Një president që përfaqëson vetëm dy për qind të votave të shqiptarëve vazhdon të kontestohet ne Gjykatën Kushtetuese dhe që mund të rrëzohet në çastin që bashkësia ndërkombëtare do ta gjykoje të arsyeshme. Dhe kjo për faktin se edhe në Gjykatën Kushtetuese, shqiptarët janë pakicë. Nga 9 anëtarë, katër janë shqiptarë dhe pesë janë të huaj. Një EULEX që ndaj statusit të Kosovës vazhdon të mbajë qëndrim neutral, domethënë se nuk e njeh pavarësinë e saj dhe që kohët e fundit ka ndërmarrë një sërë arrestimesh ndaj ish-luftëtareve të UÇK-së. Një PDK, që megjithëse doli forca e parë politike, duket pas daljes në skenë të Vetëvendosjes me 14 deputetë dhe veçanërisht pas arrestimit te dyte te Fatmir Limaj, po shkon drejt ndarjes në dy pjese. Duke ju referuar realitetit, një territor i tërë si veriu i Kosovës vazhdon të jetë nën vartësinë e Serbisë dhe jo të Prishtinës.

Ky është realiteti politik i Kosovës. Duke i shtuar edhe realitetin social, ku varfëria vazhdon të thellohet, atë gjeopolitik ku shqiptarët e Kosovës janë një ishull i izoluar nga Evropa, pasi janë të vetmit që duhet të qarkullojnë me Viza, mund të nxjerrim konkluzionin se deklarimet janë falso, manipuluese. Qoftë deklarimet që vijnë nga disa politikanë shqiptarë, qoftë deklarimet që vijnë nga disa diplomatë perëndimorë, janë një mbulesë e dobët, që nuk e fshehin dot këtë realitet përkeqësues të gjendjes politike dhe sociale të Kosovës. Një popull, deri dje i shtypur, i persekutuar, sot përjeton realitet tjetër, atë të shtypësit dhe persekutorit. Raporti i Dik Martit, arrestimet e dhjetëra luftëtarëve të UÇK-së, bisedimet e detyruara me Serbinë janë disa prej dëshmive të pohimit të sipërthënë. Dhe në qoftë se dikush apo disa mund të shprehen se nuk atakohet populli, por disa politikanë të tij, më duhet të pohoj, se këta politikanë kanë dalë nga ky popull, janë votuar prej këtij populli. Përsëri në ndihmë të pohimit të bërë, vjen fakti se arrestimet e bëra së fundi, nuk janë për korrupsion, i cili ju takon vetëm politikanëve, por për krime lufte, drejtohen ndaj UÇK-së, që luftoi kundër regjimit të Miloshevicit. Pra indirekt synohet të satanizohen shqiptarët në tërësi.

Cila është pasoja? Janë dy: E para kjo situatë tek një pjesë politikanësh që drejtojnë aktualisht Kosovën dhe që kanë filluar bisedimet me Serbinë, për të ruajtur komoditetin që të jep pushteti, do të sjellë lëshimet që do t’i vuajë shteti dhe populli. E dyta do të thellojë pakënaqësinë në shtresa të gjëra të shqiptarëve, e cila pakënaqësi do të vazhdojë të thellohet. Aktualisht kjo pakënaqësi, po thellohet ndaj EULEX, pra ndaj BE. E paprekur ka mbetur vetëm SHBA. Fshehja e realitetit, do thellojë pakënaqësinë që nesër mund të shpërthejë më shumë se protestat e deritanishme. Pra BE me ndihmën e disa politikanëve inferiorë dhe të kapur fort pas pushtetit, po e çon Kosovën drejt shpërthimit, që kur ai të ndodhë, të fajësojë shqiptarët dhe rehabilitojë plotësisht serbët. Duket se në Bruksel ka akoma simpatizantë të Gjorgjevicit dhe Miloshevicit.

Por a ka një zgjidhje? Ka, por ka vetëm një. Zgjidhja ne Kosovë nuk është Edhe..Edhe. Ajo është vetëm Ose...Ose. Cila është ajo? Bashkimi me Shqipërinë, është e vetmja zgjidhje që Kosova të kapërcejë krizën ku është futur. Vetëvendosja, Lëvizja për Bashkim, deputetët pro-bashkimit në PDK, LDK, AAK, PSD, janë para imperativit të bashkimit mes njeri-tjetrit dhe kërkesës zyrtare për bashkim me Shqipërinë. Kërkesa për bashkim me Shqipërinë, jo vetëm do zgjidhe krizën në Kosovë, por do të ndihmojë edhe Tiranën të zgjidhë krizën e saj. Pasi do ta detyrojë, të kalojë në plan të dytë luftën e egër për pushtet, duke nxjerrë në mënyrë të detyrueshme diskutimin e kërkesës për bashkim. Dhe në fund nuk duhet të harrojmë historinë: Në vitin 1912, Shqipëria natyrale që u shpall ne Vlorë nga Ismail Qemali, u ngjiz në Kosovë nga Hasan Prishtina dhe Isa Boletini.

(Autori është drejtues i Lista për Shqipëri Natyrale)

Mos harroni historine: Ne vitin 1912,




Kerkesa zyrtare per bashkim me Shqiperine, jo vetem do zgjidhe krizen ne Kosove, por do te ndihmoje edhe Tiranen te zgjidhe krizen e saj. Pasi do ta detyroje, te kaloje ne plan te dyte luften per pushtet, duke nxjerre paresore diskutimin e kerkeses per bashkim. Mos harroni historine: Ne vitin 1912, Shqiperia natyrale qe u shpall ne Vlore nga Ismail Qemali, u ngjiz ne Kosove nga Hasan Prishtina dhe Isa Boletini

cila eshte vlera e firmes?

Kam pyetur disa miq qe kane neshkruar peticionin kunder regjstrimit etnik: Pse firmoset: Pergjigja ka qene: jemi kunder shovinizmit grek. Kam vazhduar pyetjen: Per ke do votoni: Pergjigja ose per PD ose per PS.
Kush e miratoi ligjin antishqiptar per regjistrimin? Parlamenti. Kush e hartoi formularin? Qeveria. Kush nuk ka bere asnje deklarate kunder regjistrmit? Partia Socialiste. Atehere; cila eshte vlera e firmes?

Ta votojm shqiperin Natyrale


Ideja e Bashkimit te shqiptareve ne nje shtet, po shndrrohet ne Fryme. Dhe Fryma as nuk trembet, as nuk pritet, as nuk pengohet. Ajo vetem mund te fashitet. Le ta mbajme ate gjalle duke hedhur ne tregun e politikes ide te reja mbi rruget e shndrrimit te saj ne organizim mbarekombetar dhe ne vote popullore

Koço Danaj perballe Rames dhe Bashes; Ta bëjmë Tiranën Kryeqytet të Shqipërisë Natyrale (Interviste botuar ne gazeten MAPO)

Intervistë me drejtuesin e Lista për Shqipëri natyrale, Koço Danaj


Zoti Danaj, keni vendosur të merrni pjesë në zgjedhjet vendore, veçanërisht në Tiranë. Cfare mendoni se do te arrini ju konkretisht me futjen ne zgjedhje?

Faleminderit për pyetjen. Ja përse: E para: Për shkak të problematikës nacionale e cila si nga jugu i Shqipërisë Natyrale, ashtu edhe nga Veriu i saj është kompleksuar. Shovinizmi grek dhe sërb, duke përfituar edhe nga sherret ndërshqiptare, kërkon të rrudhosë akoma më shumë trojet shqiptare. Ndërsa ne, mbrohemi në portë dhe nuk kemi kaluar asnjeherë në kundërsulm. Për këtë arsye, dy muajt që na ndajnë nga zgjedhjet do të përdoren në shërbim të argumentimit të domosdoshmërisë së jetësimit të Shqipërisë natyrale.

E dyta: Do të përqëndrohemi më shumë në Tiranë dhe jo rastësisht. Tirana duhet te bëhet Kryeqyteti i Shqiperisë natyrale. E kjo kërkon një debat të gjithanshëm, kerkon ide të reja zhvillimore të cilat do të bëhen të njohura gjatë dy muajve.

E treta: Shqiptarët në Tiranë sipas sondazhit të Gallup, janë shprehur në masën 69 përqind probashkimit të trojeve shqiptare në rrugë paqësore. Eshtë një moment oportun për të parë së sa kjo dëshirë do të konvertohet në votë.


Nuk mendoni se do ishte me mire nje aleance me partite e medha duke

patur parasysh se gara per Tiranen mund te jete ne fakt nje gare qe do te kete vetem dy "Gladiatore" dhe trysnia do te jete e

jashtezakonshme? Jo, pasi asnjë nga partitë e mëdha, nuk e ka në program Platformën e Shqipërisë Natyrale. Ato janë ose kozmopolite ose fondamentaliste kozmopolite. Një aleancë me këdo prej tyre, do të dëmtonte idenë e madhe të bashkimit kombëtar.

Zoti Danaj, cili është thelbi i atmosferës aktuale në marrdhëniet midis Shqipërisë dhe Greqisë lidhur me regjistrimin e popullsisë mbi baza etnike

Kërkesa për regjistrimin e popullsisë në Shqipëri, mbi baza etnike ka rritur ndjeshëm tensionin ndëretnik midis kombit shqiptar dhe shovinizmit grek. Deklarata, emisione televizive, vendime gjykatash per ndryshim kombesie, ringjallje fantazmash te vdekura me emrin Vorio Epir janë bërë të pranishme për opinionin public shqiptar. Shovinizmi grek po luan hapur, ai kërkon të shtojë numurin e grekëve në Shqipëri, të zgjerojë hapsirën e minoritetit grek në Shqipëri. Ne kuptimin figurativ është një Lojë me Letra të Hapura. E duke qënë kështu, edhe Lista për shqipëri Natyrale do të luajë me letra të hapura. Po bëhem më konkret:

Për minoritetin grek në Sarandë dhe për ata që njohin sadopak historinë, janë në gjëndje të të thonë se deri në vitin 1944, shumica e fshatrave të minoritetit grek kishin këto emra, fshati Memush Bej, Hadër Aga, Aliko, Caush, Kalive bej Pasha, Hoxhe, Ymer Efendi etj. Qeveria e Enver Hoxhës në emër të internacionalizmit proletar dha urdhër të ndryshohen këto emra. Dhe në vënd të tyre, lindën emrat, Livadhja, Lefter Talo, Fitore, Dritas etj.

Përsëri, për ata që e njohin sadopak historinë e dinë fare mire se Komisioni Ndërkombëtar I përcaktimit të kufijve ne vitin 5 dhjetor 1913 do të shprehej per Luginën e Drinos ku shtrihen fshatrat e Dropullitë Poshtëm dhe të Sipërm se:

…Nga të 76 fshatrat e Luginës së Gjrokastrës, 15 prej tyre janë secili pronë e një beu, ndërsa të gjitha pronat e 44 fshtrave të tjerë u përkasin plotësisht bejlerëve dhe agallarëve muslimanë. Vetëm pronat e pepelit dhe të Selos u përkasin ortodoksëve. Të gjitha këto arsye të paraqitura shkurtimisht duken të mjaftueshme për të përligjur dhënien e gjithë Luginës së Gjirokatrës, Shqipërisë… (Mbledhje e Komisionit Ndërkombëtar të kufijve, Leskovik, datë 5 dhjetor 1913)

Ndërsa parlamenti I Shqipërisë I vitit 1992, ju dha tokë ish-minoritarëve që kishin ardhur sipas komisionit ndërkombëtar të caktimit të kufijve…nga krahina e Janinëa të thirrur nga bejlerët shqiptarë për të punuar tokat e tyre

Minoritari I thjeshtë këtë nder që I bëri Parlamenti I Shqipërisë, e konverton në votë për partitë shqiptare. Eshtë momenti që edhe deputetët minoritare, si Vangjel Dule, Spiro Ksera, Vangjel Tavo, etj apo intelektualë si Panajot Barka apo Thoma Mico ti shprehin mirënjohjen shtetit shqiptar që I bëri me prona, kur ata janë nipër apo fëmijë argatësh. Këtë duhet ta bëjë edhe qeveria greke, të shprehë mirënjohje për qeveritë dhe shtetin shqiptar, ashtu sic kanë bërë qeveritë shqiptare që kanë shprehur mirënjohje shtetit grek për pranimin e dhjetra mijra shqiptarëve në fillim te viteve 90-të, megjhithse qeveria greke, ata në shumicë I trajton si argatë, pa pranuar ti bëjë pronarë. Demokraci do të thotë reciprocitet.

Dhe nëqoftëse, qeveria greke, vazhdon të ngulë këmbë duke na trëmbur me të ashtuquajturin regjistrim etnik pasi gjoja këtë e kërkojnë Konventat europiane, qeveria shqiptare, politika shqiptare, duhet të japë përgjigjen e mëposhtme: Po, dakord jemi, por në fillim do riparojmë shkeljen e Konventave Europiane që e bëmë ne vitin 1992, kur pronat e pronarëve të ligjshëm shqiptarë, ua dhamë ish-argatëve, pra do anullojmë ligjin 7501 ne zonën e minoritetit. Prandaj, pasi Dulja, Ksera, Barka, Mico, Tavo, Papathanasi etj etj të kthejnë tokat që ua morën agallarëve dhe bejlerëve të Gjirokastrës, Libohovës, Delvinës, Borshit, atëhere bëjmë edhe regjistrimin sic e doni ju. Kjo quhet dinjitet kombëtar europeist.

Por kjo temë, do trajtohet më gjërësisht gjatë fushtaës elektorale



Zoti Danaj, në Platformën e Shqipërisë Natyrale jeni shprehur se Camëria duhet të shpallet Zonë e Lirë midis Shqipërisë dhe Greqisë. Cfarë doni të thoni me këtë?

Edhe kjo është një temë që do të trajtohet gjërësisht gjatë fushatës, por shkurimisht dua të them se: Krahina shqiptare e Camërisë ju aneksua në mënyrë kolonialiste Greqisë nga Konferenca famëkeqe e Londrës në vitin 1913. Sipas Memorandumit të qeverisë shqiptare të Vlorës në vitin 1913, në Camëri jetonin 75 mije shqiptarë nga të cilët 18 mijë shqiptarë të greqizuar, të cilët ishin vendosur, ne kazanë e Reshadijes (Igumenicës) 16 mijë shqiptarë, në kazanë e Margëllicit 25 mije shqiptarë, në kazanë e Filatit 20 mijë shqiptarë, në kazanë e Paramithisë, 13 mijë shqiptarë……

Në kazanë e Luros 100 përqind shqiptarë…..(Memorandum I qeverisë së Vlorës, drejtuar Konferenceës së Londrës, firmosur nga Mehmet Konica, Rashih Dino dhe Filip Noga)

E dyta: Krahina shqiptare e Camërisë, në mbarim të Luftës së dytë botërore ju nënshtrua një spastrimi etnik gjenocidist dhe fashist. Preteksti: Gjoja shqiptarët kishin marrë pjesë përkrah nazifashizmit. Në vizitën e fundit në Dropull, Nikolas Gejxh, e trajtoi këtë cështje, duke thënë se problemi I shqiptarëve të Camërisë, është problem europian pasi sipas tij në atë periudhë u deportuan 16 milion pakica nacionale që kishin marrë pjesë përkrah nazifashizmit. Bukur. Por Gejxh dhe qeveritarët grekë ose nuk e njohin historinë ose e fshehin atë. Pse e them këtë. Eshtë e vërtetë që pas luftes se dytë botërore u deportuan miliona njerez të pakicave nacionale në Europë, por kjo u bë në bazë te vendimeve të Konferencës së Potsdamit, pas korrikut 1945. Dhe këtë vendim aso kohe e firmosi, Josif Stalin, Hari Truman dhe Klement Etli. Dhe në këtë vendim thuhet të deportohen këto pakica nga trojet e tyre, me përjashtim të shqiptarëve të Kosovës, Bullgaro-maqedonëve të Maqedonise dhe shqiptarëve të Camerisë të cilët kanë marrë pjesë aktivisht ne luftën antifashiste. Për ata që e njohin historinë e dinë se pas kësaj konference në vitet 1945-1947 u deportuan 2 milion e 850 mije gjermanë te Sudeteve, dhe mbetën vetëm 157 mijë që u trajtuan si antifashistë, u deportuan 600 mije gjermanë të Vollgës, 400 mijë të Vojvodinës, një milion cecenë të Cecenisë etj etj. Pra shteti grek shkeli vendimin e Konferences së Potsdamit. Për këtë arsye, duhet që e para qeveria greke të kërkojë falje për gjenocidin e ushtruar dhe e dyta ti lejojë shqiptarët e Camerisë të kthehen në trojet e tyre dhe të vendosin vetë për fatin e tyre. Nëqoftëse sot thuhet shpesh se minoriteti grek shërben si urë lidhëse e marrëdhënieve midis Shqipërisë dhe Greqisë, tashmë duhet thënë se Camëria duhet të jetë ajo që duhet dhe do të shërbejë si urë lidhëse e marrëdhenieve midis Shqipërisë dhe Greqisë. Ka edhe të tjera, por do trajtohen gjatë fushatës. Do ju sugjeroja intelektualëve dhe deputëve minoritarë që kur të vijnë tjetër herë ne debate, të marrin me vehte, edhe librin Mëhallat e Botës të Janis Ricosit dhe veprat e djegura në vitin 1936 në mes të Selanikut të Kostis Pallamasit.


Cila është e reja e Platformës së Shqipërisë natyrale?


E reja është fryma masive probashkimit kombetar, e sintetizuar në sondazhe nderkombëtare dhe dokumente kushtetuese. Po ju sjell disa shembuj: Para disa muajsh, një organizatë prestigjioze nderkombetare, Gallup Internacional ne një nga sondazhet e saj beri publike keto shifra: Ne Kosove, mbi 81 perqind e shqiptareve duan bashkim me Shqiperine, ne Shqiperi, 63 perqind e shqiptareve duan bashkim me Kosoven, ne maqedoni 53 përqind e shqiptarëve duan bashkim me Shqipërinë.

E dyta: Bashkimi i shqiptarëve në një shtet është edhe një detyrim kushtetues. Ne Kushtetuten e Shqipërisë, në preambulën e saj, pranohet si legjitime aspirata e bashkimit kombëtar te shqiptarëve.

E treta, sot shqiptaret ne Shqiperi festojne si Festë Kombëtare datën 28 nëntor e cila përkon me shpalljen e pavarsisë ne 28 nëntor 1912, kur u shpall pavarsia e Shqiperisë natyrale. Dihet qe kjo nuk u njoh nga Konferenca e Londres e cila e coptoi ne pese pjese kombin shqiptar. Ka nje detaj shumë interesant, festimi i 28 nëntorit nga të gjitha regjimet qe kane qene ne Shqiperi püergjate një shekulli, tregon se ata nuk e njohin Konferencen e Londrës, por njohin Shqipërinë Natyrale të Vlorës.

Zoti Danaj, në realitet SHN përceptohet si një kërcënim serioz nga mediat në vendet fqinje, si një nacionalizm centrifugal që do të shkaktonte një efekt domino në rajon, komenti juaj për këtë

Shqipëria natyrale nuk sjell efekt domino në rajon. Pse? Sepse në rajon nuk ka asnje komb tjetër I cili përgjatë të gjithë kufirit të Shqipërisë aktuale të jetë I kufizuar me vehten e tij, pra të ketë fqinj vetveten. Më konkretisht: Kur kalon Hanin e Hotit që lidh Shqipërinë me Mali I Zi, futesh përkohësisht në teritor shqiptar që është Tuzi, kur kalon Qafën e Morinës që lidh Kosovën me Shqipërinë, do kalosh në teritor shqiptar, kur kalon Hanin e Elezit që lidh Kosovën me maqedoninë do kalosh në teritor shqiptar. Kur kalon Qafën e Botës që lidh Greqinë me Shqipërinë do kalosh në teritor shqiptar, kur kalon Qafën e Thanës që lidh Maqedoninë me Shqipërinë do kalosh në teritor shqiptar. A ka ndonjë komb tjetër në rajon të ketë këtë dukuri? Jo, asnje komb. Atehere ku eshte efekti domino? Asgjekundi. Efekti Domino ekziston thjesht për të trëmbur ata që nuk e dijnë realitetin e rajonit ose që duan ta fshehin atë.


Zoti Danaj, Bashkëjetesa e Shqiptarëve dhe Maqedonasve ka qenë në përgjithësi paqësore me pauza të shkurtra trazirash. Cila besoni ju se do të jetë e ardhmja e Maqedonisë?

Bashkëjetesa e shqiptarëve në Maqedoni ka qënë paqësore vetëm atëhere kur shqiptarët kanë pranuar të jenë qytetarë të dorës së dytë. Ndërsa kur shqiptarët kanë kërkuar të jenë të barabartë, bashkëjetesa ka qënë e trazuar deri edhe me kryengritje sic ndodhi në vitin 2001. Maqedonia do te ketë të ardhme vetëm kur shqiptaret te bashkohen me Shqipërinë natyrale. Deri atehere, Maqedonia do jetë një shtet, pa te ardhme, pa perspektivë. Edhe sot që po flasim, shqiptarët në Maqedoni vazhdojnë të jenë qytetarë të dorës së dytë. Po ju sjell disa shëmbuj: Sot shqiptarët në maqedoni nuk kanë ligj të perdorin Flamurin Kombëtar, ai u anullua në vitin 2007. Sot shqiptaret në maqedoni, nuk kanë të drejtën e një feste shtetërore. Maqedonia si shtet ka 6 festa shteterore, por asnjë nuk përkon me histori shqiptare, në të kundërtën, ata janë te barazuar lidhur me festat me sërbët me turqit etj që jetojnë ne maqedoni. Marreveshja e Ohrit, ishte nje marreveshje që shpëtoi Maqedoninë nga shpërbërja. Pas kësaj, shqiptarët konsiderohen si elemment shtetndërtues. E në praktikë, nuk i pyet askush për punët e shtetit. Atëhere, përse ta dua një shtet që më përjashton? Ndërsa lidhur me të ardhmen e Maqedonisë, le të analizojmë vetëm të ashtuquajturin problem te emrit te saj. Ka mbi një dekadë që emri i Saj nuk pranohet nga Greqia. Por Greqia është antare e BE. Atëhere edhe BE është dakord me Greqine lidhur me mosmarreveshjet mbi emrin. Cili është konkluzioni që del? Problemi I emrit është thjesht një pretekst, është një mbulesë. Thelbi I problemit është se bashkësia ndërkombëtare akoma nuk di se cfarë të bëjë me këtë shtet. Pse e them këtë? Sepse po të ishte thjesht problemi I emrit, me gjendjen e rëndë ekonomike që ka Greqia, BE e kishte fare të lehtë ti thoshte qeverisë greke: Ose zgjidh problemin e emrit ose nuk ke ndihma për të dalë nga kriza. Por BE nuk ja thote, domethene se akoma nuk ka vendosur, se akoma nuk di se cfare të bëjë. Nga ana tjetër BE e di se shqiptarët në maqedoni pas Konfederatës Shqipëri Kosovë do kërkojnë dhe do te arrijne shkëputjen dhe bashkimin me Shqiperinë. Nga ana tjeter është nacionalizmi maqedonas I cili sa më keq I ka punët, aq me agresiv bëhet. Shkoni të shikoni realizimin e Projektit Shkupi 14. Do gjeni monumentin e Goce Delcevit I cili ishte nga fshati Kokushi afër Selanikut me nënë turke të quajtur Sulltane dhe baba të krishterë te quajtur Nikollë, do gjeni monumentin e Jane Sandanskit ose sic quhej Cari I Pirinit, I cili është nga Maqedonia e Pirinit ne Bullgari, ku sot ka edhe nje qytet turistik me emrin e tij, Sandansk. Pra nje shtet, I krijuar fillimisht si Republike socialiste jugosllave e Maqedonisë, I bërë shtet ne 1991, sot kërkon të përvehtesojë historinë dhe kulturen e fqinjëve sepse është pa histori dhe pa kulturë. Eshtë ndoshta shteti me të ardhmen më të zymtë në rajon. Sot per sot kete zymtesi e mbulon deficenca politikanëve shqiptarë. Nesër, do të jetë ndryshe, do te dalë lakuriq para BE dhe gjithë bashkësisë ndërkombëtare. Nesër edhe kjo krijesë artificiale do të bjerë.


Z. Danaj, a janë shqiptarë duke ndërtuar të ardhmen e tyre me idenë e një zgjidhje përfundimtare të çështjes shqiptare? Është kjo ide një utopi apo një vizion?

E ardhmja e shqiptareve, eshte bashkimi ne nje shtet te vetem, krijimi I shtetit modern ne vend te vilajeteve neootomane. Kjo nuk eshte as utopi, po tashmë nuk është as edhe Vizion. Eshtë një problem i shtruar për zgjidhje. Shqiptarët nuk kërkojnë asgjë më shumë se të tjeret, vetëm kërkojnë të jenë si te tjerët. Shqipëria natyrale eshte nje ofertë për paqe që ju serviret fqinjëve dhe BE. Jam i sigurtë se shumë shpejt fqinjët dhe BE do ta mirëpresin këtë oferte. Paqen e duan të gjithë, pavarsisht nga madhësia e shtetit apo sasia e parave.

Dhe fundit, votën e kujt do të kërkoni gjatë fushatës?

Votën e atyre shqiptarëve që duan bashkimin e trojeve shqiptare në rrugë paqësore, që duan Shqipërinë natyrale si burim i stabilitetit, paqes, mirëqënies dhe progresit ndërshqiptar. Pra votën e 69 përqind të shqiptarëvë që kanë shprehur dëshirën për të jetuar në një shtet të përbashkët

Tiranen Kryeqytetin e 7 milion shqiptareve.

Njoftim per te gjithe mbeshtetesit e Listes per Shqiperi Natyrale qe jetojne ne Tirane apo qe kane njerez te tyre ne Tirane. Jeni te mirepritur ne adresat kdanaj@hotmail.com, mesazh privat dhe nr e cel 0662030803, per te shprehur angazhimin apo mbeshtetjen tuaj. Na prifte e mbara. Le ta bejme Tiranen Kryeqytetin e 7 milion shqiptareve.
Koço Danaj
Drejtues i Lista per Shqiperi Natyrale

Votoni Listen per Shqiperine Natyrale

Lista per Shqiperine Natyrale do te marre pjese ne zgjedhje per te kerkuar ne menyre insitucionale bashkimin e shqiptareve ne nje shtet. Ftojme te gjithe mbeshtetesit e saj kudo ku jetojne, ne trojet shqiptare apo ne Europe e SHBA, te bashkohen me ne. Bashkepunim me te gjithe, pavarsisht bindjeve politike, bashkepunim me cdo organizem qe kerkon bashkimin. Ne emer te dinjitetit nacional, ne emer te mirqenies, ne emer te paqes rajonale, ne emer te progresit euroatlantike. Ne emer te se ardhmes te femijeve tane. Te gjithe jemi te nevojshem, Shqiperia natyrale eshte e domosdoshme. Ajo eshte e para, ne jemi ne sherbim te saj. Ftojme politikanet, deputetet, intelektualet qe duan Shqiperine natyrale, por aderojne ne parti te ndryshme politike te perkrahin Listen per Shqiperine Natyrale dhe te bashkohen me ate. Mirdita e ardhme. Miresevjen Shqiperi Natyrale kdanaj@hotmail.com ose kdanaj@lajme.net

A duhet qe klasa politike te kerkoje bashkimin e Kosoves me Shqiperine?

Koço Danaj

Ne nje interviste dhene agjensise INA midis te tjerash jam shprehur se Partite shqiptare ne Maqedoni duhet te formojne opoziten etnike duke krijuar Klubin e deputeteve te te gjitha partive.Falenderoj disa deputete qe e mbeshteten kete ide. Por nuk mund te kuptoj perse heziton BDI dhe PDSH. Menduh dhe Ali, Kombi eshte mbi ju, ndersa ju jeni vetem pjestare te tij. Dilni mbi partite. Do fitoni me shume respekt
Disa miq te mij kane shprehur mendime dhe qendrime te ndryshme lidhur me fene time, krahinen time, partine time. Per te mos pasur askush iluzione apo per te bere aluzione, po ju bej te qarte te gjitheve thelbin e qenies time. Nenshtetesia -shqiptar. Kombesia-shqiptar. Laberia-krahine e Shqiperise Natyrale. Feja-Shqiptaria. Partia-Shqiperia Natyrale. Thjesht, Shqiptariade
Partite politike shqiptare ne FYROM qe jane ne Kuvend, duhet te krijojne Klubin e deputeteve shqiptare si hap te pare. Asnje nga kryetaret nuk duhet te jete ne drejtim. Te zgjidhet deputeti me me shume integritet qe ta drejtoje. Objekt i tij te jene ceshtjet qe kane te bejne me thelbin e kombit shqiptar, si Flamuri, Gjuha, historia, investimet etj. Pra le te filloje bashkimi nga ato qe i bashkojne te gjithe.
Sheshet shqiptare që nga Struga deri në Kumanovë duhet të mbushen me protesta paqësore shqiptarësh, jo nën flamurin e partisë, por të kombit. Dhe të jeni të sigurt se kur mbushen sheshet me protestues paqësorë, shovinizmi struket dhe bashkësia ndërkombëtare gjykon ndryshe. Shqiptaret nuk mund të bëhen kurban që të ekzisto...jë një shtet pa emër se kështu dashka dikush apo disa diplomatë *Nga intervista dhene INA
Harun Aliu u vra nga policia maqedonase si trafikant armesh. Ne varrimin e gjoja trafikantit moren pjese mijra shqiptare dhe disa deputete. Politika shqiptare dhe nderkombetare duhet ti pergjigjen pyetjes: A jane mijra shqiptaret trafikante dhe kriminele, a jane te tille deputetet? Neqoftese jo, atehere mbetetet qe tra...fikante dhe kriminele te jene strukturat policore maqedonase
Deshtoi skenari grek i destabilizimit te Shqiperise gjate protestes se opozites. Pavarsisht thirrjeve ekstremiste te Milos dhe Dules, Ngjela dhe Rama arrriten ta qetesojne ballin e protestes per te mos u perleshur me policine. Mbetet te shikohet se a do ti mbaje perseri prane vehtes Rama, ata qe deshen eksportimin e krizes greke ne Shqiperi dhe perplasjen e shqiptareve me njeri tjetrin?

Lista per Shqiperi natyrale, 30 tetor 2010 ne Tirane

Fjalimi i mbajtur me rastin e shpalljes zyrtare te Lista per Shqiperi natyrale, 30 tetor 2010 ne Tirane


Te dashur miq, nenshkrues te Listes per Shqiperi Natyrale, mbeshtetes te saj apo dashamires.

Mireseerdhet ne kete takim qe shenon shpalljen zyrtare te Levizjes me te re mbarekombetare, me emrin Lista per Shqiperi Natyrale.

Qellimi jone eshte i qarte qysh ne titull, ne kerkojme dhe do te kerkojme bashkimin e trojeve shqiptare me mjete demokratike. Ne duam te zhdukim dhe do ta zhdukim artificialitetin unikal ne mbare kontinentin, qe nje komb siç eshte Kombi shqiptar, te kete qe nga Ulqini deri ne kepin e Stillos, si vije kufitare vetem vehten e tij.

Miqte e mij

Per disa, padrejtesia qe ju be shqiptareve ne Londer 1913, u konsiderua si nje çmim provizor qe duhej te paguanin shqiptaret gjoja ne emer te paqes ballkanike dhe boterore. Por pas afer nje shekulli, rezultoi se cmimi nuk ishte provizor e per me teper as ne emer te paqes. Cmimi ishte mizor, mbushur me racizem dhe inferioritet dhe me destabilitet te rajonit deri atje sa ai u konsiderua Fuçi-Baroti.

Prandaj shqiptaret kane te drejten te pohojne se paqja reale ne rajonin e ballkanit, stabiliteti real dhe jo ai i karakterit te protektoratit, do te vendosen duke riparuar padrejtesine ndaj shqiptareve. Prandaj edhe Platforma e Shqiperise Natyrale eshte nje oferte per paqe, stabilitet, progres dhe mirqenie qe u ofrohet fqinjeve te shqiptareve, bashkesise nderkombetare. Pergjate nje shekulli shqiptaret kane derdhur aq shume gjak sa mund te benin 5 Shqiperi Natyrale. Na kane vrare dhe jemi vrare me njeri tjetrin. Por tani: Mjaft, Boll me. Ne kemi zgjedhur rrugen e paqes, demokracise dhe dialogut. Te mos e pranosh kete oferte paqeje, stabiliteti dhe progresi do te thote se mendon te kunderten dhe pergatitesh per te kunderten. Do te thote se ne vend te Pellumbave te Paqes, preferon shigjetat e Luftes.

Ne do te formulojme nje Kod te Ri Etik ne marrdheniet me njeri tjetrin, nje kod te ri politik, qe do te thote se para se te jesh pjestar i kesaj apo asaj partie politike, je shqiptar, nje Kod te ri fqinjesor duke mos lejuar me perbuzjen apo racizmin ndaj askujt. Shprehja aq e perhapur O sa mire me qene shqiptar, nuk eshte romantizem apo folklorizem, por nje ofshame gjememedhe, nje kundervenie dhe nje mbrojtje ndaj dhunimit te qenies nacionale shqiptare nga dikush apo disa fqinje dhe segmente fqinjesh.

Shqiperia natyrale eshte nje Nocion progresist, europeist. Ndersa bashkimi i shqiptareve eshte nje garanci per stabilitetin e vete Europes ku bejme pjese. Ne, mbeshtetesit e Listes per Shqiperi Natyrale, refuzojme te vetshperbehemi ne emer te parrullave boshe apo krahasimeve qe na serviren.

Na thone se kombi shqiptar nuk ka nevoje te bashkohet por duhet te ndjeke shembullin e Gjermanise, Zvicres dhe Austrise. Eshte nje teze kunderhistrike dhe kundershqiptare. Eshte kunder historike sepse kur ne vitin 1291, perfaqesuesit e kantoneve te Urit, Shwycit dhe Untervaldenit vendosen themelimin e e Konfederates Helvetike, ne Gjermani jetonin akoma fise gjermane, por jo shtet. Kur Austria ne vitin 1815, pas disfates se Napoleonit u be kreyqendra e Koncertit te Vienes duke u dhene tonin per gati nje shekull marredhenieve nderkombetare, Gjermania akoma nuk ishte e bashkuar. Ndersa ne 28 nentor 1912, ata politikane shqiptare qe u mblodhen ne Vlore, ishin jo vetem nga gjithe hapsira e kombit shqiptar, por edhe shpallen pavarsine e Shqiperise natyrale, qe shtrihej ne 4 vilajetet e atehershme otomane.

Por modeli qe na serviret eshte edhe kundershqiptar. Konferenca e Londres e vitit 1913, i coptoi shqiptaret ne 5 pjese, mbi bazen e llogjikes koloniale, duke shperblyer me teritore shqiptare shtetet fqinje qe u konsideruan fitimtare te Luftes ballkanike apo qe kishin mbeshtetjen e kesaj apo asaj fuqie te madhe.

Por a ka nje model europian qe duhet te ndiqet edhe per Kombin shqiptar? Ka, dhe eshte shume i fresket. Dhe ky eshte shembulli gjerman. Gjermania ne vitin 1945 u nda ne kater pjese dhe me vone ne dy pjese per te kenaqur fitmtaret e Luftes se dyte boterore. Pas 45 vjtesh, kjo padrejtesi koloniale mori fund dhe Gjermania u bashkua. Ky eshte shembulli qe vlen edhe per kombin shqiptar. Perndryshe, kemi te drejte te pohojme se perballe kombeve dhe ceshtjeve te tyre kombetare, bashkesia nderkombetare aplikon dy standarte. Segmente te ndryshme te BE shprehen se ne rastin e Gjermanise kjo ndodhi pasi Gjermania Perendimore e kishte sanksionuar ne Kushtetute bashkimin kombetar. Po edhe ne Shqiptaret e kemi te sanksionuar ne Kushtetute bashkimin kombetar, bile ne Preambulen e saj. Dhe kete Kushtetute pasi e miratuan shqiptaret e konsideruan te drejte edhe juristet e nderuar te Komisionit te Venecias, edhe ekspertet e NATO. Prandaj ne kemi te drejte tu drejtohemi politikes dhe diplomacise gjermane: Na ndihmoni edhe ne te bashkohemi ashtu sic u bashkuat ju. Ju jeni Lokomotiva e BE, mos lejoni qe ne gjirin e saj te ekzistojne dy standarte ne ceshtjen kombetare, nje per kombet e medhenj dhe nje per kombet e vegjel.

Na thone se tani qe po shuhen kufijte, nuk ka nevoje te bashkohen shqiptaret. Shuarja e kufijve, nuk e ezauron bashkimin e shqiptareve, perkunder e shtron si imperativ te dores se pare. Sa me shume shtohet qarkullimi I lire I njerezve, aq me shume lind nevoja e forcimit te shteteve ne teritoret e te cilave ndodh ky qarkullim. Dhe kjo per te garantuar cilesine e ketij qarkullimi te lire dhe per te parandaluar kaosin dhe rremûjen. Sa me shume shtohet qarkullimm i lire i ideve nga nje vend ne tjetrin, aq me shume forcohen identitetet kombetare, te vendeve te ndryshme. Dhe kjo per arsyen e thjeshte se qarkullimi i lire i ideve nuk do te thote shuarje e identiteteve nacionale, por perkundrazi forcim I tyre. Sa me shume shtohet qarkullimi I lire I mallrave, aq me shume po behen perpjekje per forcimin dhe perkrahjen e asaj qe quhet sipermarrje kombetare. Globalizem nuk do te thote kaos, por rregull, diversitet identitetesh nacionale, qe japin e marrin me njeri tjetrin, pa u tjetersuar njeri tek tjetri. Njerezit levizin te Lire ne gjithe Europen, por trojet mbeten ety ku jane, shtetet aty ku jane, kombet aty ku jane. Nuk ka shuarje kombesh, por emancipim dhe civilizim te tyre. Dhe elementi I pare I civilizmit te nje kombi eshte e drejta e tij per tu bashkuar. Nga ky rregull universal nuk kane pse te bejne perjashtim shqiptaret. Prandaj ata duhet te bashkohen dhe do te bashkohen ne nje shtet te quajtur Shqiperi Natyrale.

Miqte e mij

Ne jemi nje komb i ndare ne 5 pjese. Sot kur te gjitha regjimet ne rajon jane demokratike, sot edhe ne, ne rruge demokratike kerkojme te bashkohemi. Ne nuk duam te ngrihemi ne kurriz te fqinjeve, por askush nga fqinjet tane, nuk mund te funksionoje normalisht teksa eshte ngritur ne kurrizin tone dhe me trojet tona. Ne pranojme te emancipohemi dhe ky takim eshte shenje e emnacipimit tone, ne pranojme te perfeksionohemi dhe ky takim tregon deshiren tone per perfeksionim. Por ne refuzojme te tjetersohemi. Kurren e kurres.Shprehjet tosk, kosovar, gege, lab, korcar, myzeqar jane nocione gjeografike apo krahinore, por asesi nocione etnike. Ne kemi qene, jemi dhe do te mbetemi shqiptare europeiste qe nga Presheva deri ne Cameri. Kjo nuk eshte teze per vertetim, por Postulat per zbatim. Thjesht ne duam te jemi si te tjeret kombe fqinje me ne apo me larg nesh.

Ne, antaret, mbeshtetesit dhe simpatizantet e Listes per Shqiperi Natyrale shprehim qendrimin tone se kur ndonje politikan apo institucion kerkon te perdore institucionin e shtetit per te na tjetersuar, atehere kemi te drejten tone ta refuzojme ate ne rruge demokratike dhe mjete demokratike. Dhe ky qendrim eshte shqiptarizem i shekullit te 21-te. Prandaj ne i ftojme Politikanet shqiptare te ngrihen mbi interesat e pushtetit dhe te partise per te pare me larg, per te pare interesat e Kombit. Neqoftese nje shtet apo nje parti kerkon te tjetresoje nje pjese te kombit shqiptar, atehere i gjithe kombi shqiptare ka te drejte ta refuzoje kete shtet apo kete parti. Sepse ne Jemi Nje, pavarsisht se perkohesisht nuk jemi bashke

Por, ne i ftojme fqinjet tane: Ejani ne tavolinen e Bisedimeve, Pse hezitoni, le te hedhim aty faktet historike dhe faktet reale, le ti ballafaqojme ato dhe kush ka faktet me vehte te marre te drejten e tij. Mjeti qe ne do perdorim per te realizuar misionin tone eshte : Dialog me kedo, Dialog per gjithshka.Drejtesia per shqiptaret eshte vonuar, por ajo asesi nuk duhet te jete Drejtesi e Cunguar. Ne i konsiderojme te pamjaftueshme zgjidhjet pjesore apo arnimet qe i jane bere Kombit shqiptar, prandaj kerkojme bashkimin e Kombit shqiptar. Prandaj nuk do te ndalemi, nuk do te qendrojme ne vend, perdite e per muaj do te hedhim ne tregun e politikes shqiptare dhe nderkombetare, jo kenge, jo legjenda, jo mite, por teza dhe ide qe vertetojne drejtesine e kauzes tone dhe qe kerkojne domsdoshmerisht nje angazhim me serioz te bashkesise nderkombetare qe keto teza dhe ide te realizohen. Ne do te ndalemi vetem tek Porta e Shqiperise Natyrale, do ta hapim ate Porte sebashke me miqte tane per te gjithe shqiptaret dhe per te gjitha pakicat nacionale qe jetojne dhe do te jetojne te barabarte me shqiptaret.

Per kete arsye, Lista per Shqiperi Natyrale, shume shpejt do te kerkoje ne Gjykaten Nderkombetare te drejtesise ne Hage, shqyrtimin e Ligjshmerise se Konferences se Londres 1913 qe ne menyre koloniale coptoi ne 5 pjese kombin shqiptar. Ne do ti paraqesim asaj deshmi te politikaneve qe jane gjalle dhe atyre qe kane vdekur te cilet kane pranuar se ajo ishte e padrejte, ishte kolonialiste, ishte nje krim dhe si e tille duhet anulluar. Qe nga deshmia e Eduard Greit ne Dhomen e Komuneve, apo e Pierre Pol Kambonit ne kujtimet e tij, qe nga leterkembimi i Greit me Kontin Bekendorf, deri tek deklarata e ish-kryeministrit britanik Bler apo e te ndjerit Robin Kuk ne Dhomen e Komuneve ne prill 1999.

Ne e njohim Konferencen e Londres, te Versajes, te Lozanes, te Firences, te Jaltes, te Parisit, te Rambujese, te Konculit, te Ohrit. Por mbi te gjitha ne njohim Konferencen e Londres te 28 nentorit 1912 qe shpalli Pavarsine e Shqiperise natyrale, te mohuar apo te riparuar nga Konferencat e mesiperme. Ne nuk jemi profesore te se drejtes nderkombetare as mbikqyres te marrdhenieve nderkombetare. Por secili prej nesh eshte profesor i te drejtes kombetare, prandaj kerkojme te bashkohemi.

Miqte e mij

Lista per Shqiperi natyrale do te kete edhe nje politike te jashtme ne perputhje me qellimin tone kryesor, bashkimin kombetar. Thelbi i kesaj politike eshte: Paqe me gjithe boten, miqesi me Europen, Aleance strategjike vetem me SHBA

Formulimi i mesiperm, nuk eshte nje proklamate, por frut i nje analize te gjate, konkrete dhe korrekte. Per ne shqiptaret, ishin SHBA qe nuk lejuan spastrimin etnik te nje pjese te kombit shqiptar, ishte urdheri i ish-presidentit Klinton qe ndaloi operacionin Patkoi, duke rrezuar nga Kali kaloresin me gjithe patkonj. Ishte presidenti Bush qe deklaroi ne Tirane pavarsine e Kosoves, qe i kerkoi Tiranes te merrte pergjegjesite e saj perballe kombit shqiptar. Ne ju jemi mirenjohes. Dhe mirenjohja eshte tipar i kombeve te civilizuara.

Ndersa me fqinjet, dua te jem perseri shume konkret dhe korrekt: Sa kohe qe disa prej tyre mbajne akoma padrejtesisht troje shqiptare, sa kohe qe rivendikojne akoma troje shqiptare, sa kohe qe nuk pranojne te njohin realitete shqiptare, per aq kohe marrdheniet me ata mund te konsiderohen vetem si marrdhenie normale apo te mira. Por Kurre, Asnjehere, nuk mund te konsiderohen as speciale, as te shkelqyera apo me keq strategjike. Ky qendrim eshte ne perputhje me realpolitiken rajonale dhe me synimin e shqiptareve per tu bashkuar ne Shqiperine natyrale

Rruga drejt Shqiperise natyrale eshte e shkurter, por gjithsesi do te jete e veshtire. Por e perballueshme; ne kemi ne Vizion te qarte, kemi edhe nje Mision per te mbaruar. E kemi amanet prej te shkuares se te pareve tane dhe detyrim ndaj te ardhmes se femijeve tane.

Prandaj le te shndrrohemi ne Misionare te Shqiperise Natyrale, le te shtojme vetevehten, koha eshte ne favor te shqiptareve, le te mos i kthejme asaj kurrizin. Ne do ta gezojme Shqiperine natyrale, te rinjte do ta konsolidojne ate, niperit dhe mbesat tona do ta shijojne perjetesisht

Prandaj: Mirdita e ardhme, Miresevjen Shqiperi natyrale

Hymni Kombëtar


Adresa: Takimi do te behet ne 30 tetor 2010, ora 12.30 ne sallen e teatrit te Operas dhe baletit ne Tirane. Mireardhshi

shpallet zyrtarisht Lista e Shqiperise Natyrale

Lajmerim: Per te gjithe miqte e mij qe kane shprehur deshiren te marrin pjese ne shpalljen zyrtare te Listes per Shqiperi Natyrale. Takimi do te behet ne 30 tetor 2010, ora 12.30 ne sallen e teatrit te Operas dhe baletit ne Tirane. Mireardhshi. Miredita e Ardhme; Miresevjen Shqiperi Natyrale. Te gjithe ata qe jane regjistruar deri me tani, jane te ftuar te konfirmojne pjesmarrjen ose jo te tyre, direkt ne FACEBOOK, me mesazh privat ose ne kdanaj@hotmail.com

zgjedhjet lokale te 8 majit ne Shqiperi.

Lista per Shqiperi Natyrale ka vendosur te marre pjese ne zgjedhjet lokale te 8 majit ne Shqiperi. Mbi 63 perqind e shqiptareve duan bashkimin e trojeve shqiptare. Kjo do te jete kauza jone: Mirdita e ardhme, Miresevjen Shqiperi Natyrale. Jane te mirepritura mendimet, deshirat e mbeshtetesve te mij, me mesazhe private ose ne adrese...n kdanaj@hotmail.com dhe 0662030803 Koço Danaj Lista per Shqiperi natyrale